ABŞ Dövlət katibi Rubio bildirib ki, Putin dünya siyasətində önəmli rol oynayır və ciddi nüvə potensialına malikdir.
KONKRET.az xəbər verir ki, Rubio Ukrayna münaqişəsinin tənzimlənməsi ilə bağlı bir sıra açıqlamalar verib. Onun sözlərinə görə, ABŞ üçün Ukrayna münaqişəsinin ən yaxşı nəticəsi “tammiqyaslı sülh sazişi”dir, sadəcə atəşkəs deyil.
O, əlavə edib ki, Ukraynada atəşkəsi təmin etmək məsələsi hələ də gündəmdədir. ABŞ Rusiyayla Ukraynanın ərazi sərhədləri, mümkün təhlükəsizlik zəmanətləri və Kiyevin hərbi alyanslarla əməkdaşlığı mövzusunda danışıqlar aparır.
Rubio həmçinin qeyd edib ki, ABŞ Rusiyaya qarşı yeni sanksiyalar tətbiq etmək istəmir, çünki bu, Ukrayna ilə sülh danışıqlarının sona çatması anlamına gələcək.
Onun sözlərinə görə, Avropa Kiyevə Rusiyaya hansı güzəştləri verə biləcəyi və hansı mövzularda elastik ola biləcəyi məsələsində faydalı rol oynaya bilər.
Rubio əlavə edib ki, ABŞ Tramp və Putin arasında Alyaskada keçirilən görüşdə Ukrayna ilə bağlı razılaşmanın bağlanmasını gözləmirdi, çünki Kiyev danışıqlarda iştirak etməyib.
Natiq Səlim,
KONKRET.az
