Konkret.az saytından alınan məlumatlara görə, ain.az xəbər verir.
Rusiya Prezidenti Vladimir Putin ABŞ Prezidenti Donald Trampla görüş ərəfəsində fərman imzalayıb. Sənədə əsasən, xarici investorlar, o cümlədən Amerika şirkəti Exxon Mobil, Qərbin Rusiyaya qarşı sanksiyaları ləğv ediləcəyi halda “Saxalin-1” neft-qaz layihəsindəki paylarını geri qaytara biləcəklər. Bu barədə Reuters agentliyi məlumat yayıb.
KONKRETA.az Musavat.com-a istinadən xəbər verir ki, Exxon əvvəlcə layihənin operatorunda 30%-lik paya sahib olub və öz payından imtina edən yeganə qeyri-rusiyalı investor sayılır. Qərara əsasən, paylarını geri qaytarmaq istəyən xarici səhmdarlar Qərb sanksiyalarının ləğvinə töhfə verəcək addımlar atmalı, layihə üçün zəruri avadanlıqların xaricdən tədarükünü təmin etməli və vəsaitləri “Saxalin-1” layihəsinin hesablarına köçürməlidirlər.
Qeyd edək ki, Exxon 2022-ci ilin fevralında Rusiyanın Ukraynaya hücumundan sonra ölkədən çıxaraq 4,6 milyard dollar zərər etmişdi.
Sonrakı hadisələr barədə daha çox məlumat almaq üçün ain.az saytını izləyin.
