BAKI. 17 avqust. TELEQRAF
"Vaşinqton sabah Rusiyanın və Ukraynanın ərazi mübadiləsi məsələsini Volodimir Zelenski ilə görüşdə müzakirə etməyi planlaşdırır".
Teleqraf xəbər verir ki, bunu ABŞ prezidentinin xüsusi nümayəndəsi Stiven Uitkoff "CNN" telekanalına açıqlamasında deyib.
“Ukrayna münaqişəsinin həllində əsas məsələ ərazi mübadiləsidir. Bazar günü bu mövzunu müzakirə etməyi planlaşdırırıq. Ümid edirik ki, bu məsələdə müəyyən aydınlıq əldə olunacaq və ümidvarıq ki, bu, yaxın zamanda sülh sazişi ilə nəticələnəcək”.
