Avqustun 16-da Rusiya və Türkiyənin xarici işlər nazirləri Sergey Lavrov və Hakan Fidan telefonla Rusiya və ABŞ liderləri Vladimir Putin və Donald Tramp arasında Alyaskada keçirilən görüşün nəticələrini müzakirə ediblər.
Bu barədə Rusiya Xarici İşlər Nazirliyinin mətbuat xidməti məlumat yayıb.
Müzakirələrin Fidanın təşəbbüsü ilə keçirildiyi vurğulanır.
Xarici siyasət idarələrinin rəhbərləri avqustun 15-də Alyaskada keçirilən Rusiya-Amerika sammitinin yekunlarına dair fikir mübadiləsi aparıblar.
“Qarşıdan gələn ikitərəfli təmasların qrafiki də müzakirə edilib”, – Rusiya Xarici İşlər Nazirliyinin bəyanatında deyilir.
Musavat.com
