Zelenski Alyaska görüşündən gözləntilərini açıqladı

“Biz Amerikanın güclü mövqeyinə ümid edirik. Hər şey bundan asılı olacaq!”

“Qafqazinfo”  xəbər verir ki, bu sözləri Ukrayna Prezidenti Volodimir Zelenski Alyaskada bu gün  keçiriləcək ABŞ və Rusiya liderlərinin görüşü ilə bağlı öz teleqram kanalında bildirib.

Zelenski qeyd edib ki, ruslar Amerikanın gücü ilə hesablaşırlar.

Bununla belə, Ukrayna lideri hətta Alyaskada görüş günü belə silahların susmadığına diqqəti çəkib. 

Bildirib ki, Rusiya qoşunları hətta Alyaskada danışıqların keçirildiyi gün də mülki infrastruktura zərbələr endirməkdə davam edir və Moskva müharibəni dayandırmağa hazır olduğuna dair heç bir siqnal vermir.