Bakıda ölümlə nəticələnən yol-nəqliyyat hadisəsi baş verib.
Moderator.az-ın xəbərinə görə, hadisə Səbail rayonu Əhəd Yaqubov küçəsi, 15 ünvanında yerləşən Su İdman Sarayının qarşısında baş verib.
Məlumata görə, Ağsu rayon sakini, 1996-cı il təvəllüdlü Məmmədov Tural Səlimxan oğlu idarə etdiyi "Hyundai" markalı avtomaşınla hərəkətdə olan zaman piyada qismində yolu keçən 1969-cu il təvəllüdlü Zeynalov Rəhim Bahadur oğlunu vurub.
Piyada hadisə yerində ölüb.
Faktla bağlı cinayət işi başlanılıb.
