Keçən gecə Rusiyanın Sızran şəhər (Samara vilayəti) sakinləri güclü partlayış səsləri eşidiblər.

Reyting.az xəbər verir ki, bu barədə “SHOT” Telegram kanalı məlumat yayıb.

İlkin məlumatlara görə, şəhərdə hava hücumundan müdafiə sistemi işə düşüb və bir neçə hava hədəfi məhv edilib.

“Mash” Telegram kanalının məlumatında bildirlir ki, şəhərdə, ən azı, on partlayış səsi eşidilib.

Onu da qeyd edək ki, avqustun 15-nə keçən gecə Kurskda pilotsuz təyyarə çoxmərtəbəli yaşayış binasına hücum edib. Nəticədə bir nəfər həyatını itirib.

V. QULİYEV