Rusiyanın paytaxtı Moskvada müstəntiqlər 1997-ci ildə öz dayısını və onun sevgilisini güllələməkdə şübhəli bilinən azərbaycanlını saxlayıblar. İstintaqın versiyasına görə, cinayətkar qanlı hesablaşmaya köhnə bir “Moskviç” avtomobilinə görə gedib.
Bizim.Media yerli mediaya istinadən xəbər verir ki, ailə daxilində atışma ilə nəticələnən hadisə 1997-ci il noyabrın 10-da Simferopol bulvarındakı mənzildə baş verib. Həmin axşam hazırda 56 yaşı olan hadisə iştirakçısı, “cinayət aləmində müəyyən nüfuza malik” olan dayısının evinə gəlib.
Gənc oğlan qohumundan böyük məbləğdə pul tələb edib, lakin kişi ona imtina cavabı verib.
Dayısının sevgilisinin sözlərinə görə, görüşdən əvvəl bacısı oğlu onların satmaq üçün verdiyi “Nissan” markalı xarici avtomobili götürüb, lakin nə maşını, nə də pulu geri qaytarmayıb. Buna görə qadın onun etibarnamə ilə istifadə etdiyi köhnə “Moskviç-2141” avtomobilinin açarlarını ondan alıb.
Qızğın mübahisə zamanı bacıoğlu səsboğucu ilə təchiz edilmiş TT tapançasını çıxararaq dayısına atəş açmağa başlayıb. Ümumilikdə səkkiz güllə atılıb, onlardan üçü hədəfə dəyib: ikisi bədənə, biri isə üzə. Dayısının sevgilisi köməyə qaçıb, lakin oğlan ondan da pul tələb edib və yenə rədd cavabı alıb. Bundan sonra o, qadına da atəş açıb — güllələr başına və əl biləyinə dəyib.
Başından güllə yarası alan hər iki sevgili sağ qalsa da, heç vaxt tam sağalmayıblar. Üz nahiyəsindən güllə yarası alan kişi 2008-ci ilə qədər yaşayıb.
Qanlı ailədaxili qarşıdurmadan sonra azərbaycanlı Moskvanın cənubundan doğma Azərbaycana qaçıb, bir müddət orada gizlənib və daha sonra yenidən Rusiyanın paytaxt regionuna qayıdıb. Sonralar ona qarşı adam öldürmə, qəsdən ağır bədən xəsarəti yetirmə, həmçinin odlu silahı qanunsuz əldəetmə, saxlama və satma maddələri üzrə məhkəmə işi açılıb. Buna baxmayaraq, 1997-ci ildə ailə cütlüyünə atəş açma işi uzun illər açılmamış qalıb.
Azərbaycanlı 2022-ci ilə qədər digər cinayətlərə görə cəza çəkib, bundan sonra isə, “xüsusi hərbi şirkətlə müqavilə imzalayıb”. Yaxın günlərdə isə o, 28 il əvvəl dayısını və onun həyat yoldaşını güllələmə işi üzrə saxlanılıb. Kişiyə rəsmi ittiham elan edilib və o, etirafedici ifadə verib. (Lent.az)
Bizim.Media
