Qeyri-dövlət sektorunda fəaliyyət göstərən şəxslərin sayı 906,6 min nəfərə çatıb.
Yenisabah.az xəbər verir ki, iyulun 1-i vəziyyətinə Azərbaycan iqtisadiyyatında muzdla çalışan işçilərin ümumi sayı 1770,8 min nəfər təşkil edir.
Onlardan 864,2 min nəfəri iqtisadiyyatın dövlət sektorunda çalışır. pizza mizza
Dövlət Statistika Komitəsinə istinadən xəbər verir.
2024-cü ilin iyul ayının 1-i ilə müqayisədə ölkədə dövlət sektorunda çalışanların sayı 23.3 min azalıb, qeyri-dövlət sektorunda çalışanların sayı isə 33.3 min nəfər artıb.
Beləliklə Azərbaycan iqtisadiyyatında muzdla çalışan işçilərin sayı son bir ildə 10 min nəfər artıb.
Xatırladaq ki, 2025-ci ilin yanvar-iyun aylarında ölkə iqtisadiyyatında muzdla çalışan işçilərin orta aylıq nominal əməkhaqqı əvvəlki ilin müvafiq dövrünə nisbətən 9,4 faiz artaraq 1097,3 manat təşkil edib.
Telegram kanalımız
