Gürcüstan Prezidenti Mixail Kavelaşvili sabah dövlət başçısı seçildikdən sonra Türkiyəyə ilk rəsmi səfərini edəcək.
Manset.az-ın məlumatına görə, bu barədə Türkiyə Prezident Administrasiyasının Kommunikasiya İdarəsinin Direktoru Burhanəddin Duran sosial media hesabında paylaşım edib.
Duranın sözlərinə görə, səfər zamanı Türkiyə ilə strateji tərəfdaşlıq münasibətləri çərçivəsində bütün sahələrdə əməkdaşlığın genişləndirilməsi müzakirə olunacaq, eyni zamanda regional və qlobal məsələlər ətrafında fikir mübadiləsi aparılacaq.
