Bakı, 11 avqust, AZƏRTAC
“Gənclərin xarici ölkələrin nüfuzlu ali təhsil müəssisələrində təhsil almalarına dair 2022–2028-ci illər üçün Dövlət Proqramı” çərçivəsində ilk dəfə mədəniyyət və incəsənət sahəsi üzrə təhsil imkanı yaradılıb.
Elm və Təhsil Nazirliyindən AZƏRTAC-a bildirilib ki, Dövlət Proqramının iştirakçısı seçilən Bakı Musiqi Akademiyasının tələbəsi Ərol Rzayev magistratura səviyyəsi (klassik violonçel ixtisası), Bakı şəhəri 263 nömrəli tam orta məktəbinin şagirdi Cəmil Sədizadə bakalavriat səviyyəsi (musiqi ixtisası) üzrə təhsillərini ABŞ-ın nüfuzlu universitetində (Manhattan Musiqi Məktəbində) davam etdirəcəklər.
