BAKI, 9 avqust. TELEQRAF
Dövlət İmtahan Mərkəzi (DİM) tərəfindən həyata keçirilən “Gənc psixometrik” təcrübə proqramının ilk çağırışı uğurla yekunlaşıb.
Bu barədə Teleqraf-a DİM-dən məlumat verilib.
Bildirilib ki, 669 müraciətçi arasından çoxmərhələli qiymətləndirmə prosesi nəticəsində seçilən 15 iştirakçı 3 ay ərzində ölçmə və statistika sahəsində nəzəri bilik və praktiki bacarıqlar əldə ediblər. Təcrübə proqramının məqsədi təhsilin qiymətləndirilməsi sahəsində gənc mütəxəssislər bazasının formalaşdırılmasıdır.
Layihəni uğurla bitirən 15 nəfərə sertifikat təqdim olunub.
