Demokrat.az-ın əldə etdiyi xəbərə görə, Füzuli rayon sakini N. Həsənov 4 avqust 2024-cü ildə, saat 21 radələrində rayonun Lökbatan qəsəbəsi, “Qobu Park-3” yaşayış kompleksində yerləşən 37 nömrəli binanın arxa məhəlləsində şəxsi münasibətlər zəminində aralarında yaranmış mübahisə zamanı tanışı, 1989-cu il təvəllüdlü B. Məmmədova bıçaqla zərbə endirərək ölüdürüb.
Hadisəni törədən məhkumun barəsində Cinayət Məcəlləsinin 120.1-ci (qəsdən adam öldürmə) maddəsi ilə ittiham elan edilib.
Məhkəmədə ifadə verən təqsirləndirilən şəxs ona elan olunmuş ittiham üzrə özünü qismən təqsirli bilib. O, ifadəsində göstərib ki, Bəhruz onun uşaqlıqdan sinif yoldaşı olub:
“Aramızda heç bir ədavət olmayıb. mənim Bəhruzu öldürmək niyyətim olmayıb. Hadisədən bir gün əvvəl günorta saatlarında işdən evə gəldim. Oğlum ilə həyat yoldaşımın dayəlik etdiyi uşaq arasında mübahisə baş verdiyini gördüm. Oğlumu döyən uşağa daha böyük olduğunu, bir daha oğlumu vurduğunu müşayiət edəcəyim təqdirdə onu cəzalandıracağım ilə hədələdim”.
Məhkumun sözlərinə görə, növbəti gün həmin uşağın dayısı Bəhruz ona zəng edərək söyüş söyüb, ertəsi gün görüşməyi təklif edib: “Mən də evdə olduğumu bildirərək həmin gün görüşə biləcəyimi qeyd etdim. Bəhruz məni stadionun yanına dəvət etdi. Bəhruzla görüşdükdən sonra əvvəlcə aramızda əlbəyaxa dava başladı. Bu zaman o, məni təpiklə vurdu. Sonra ayağımdan tutaraq məni qaldırmaq istədikdə cibimdəki bıçağı götürdüm və Bəhruzun kürəyinə sancdım”.
Təqsirləndirilən şəxs bildirib ki, hadisə yerinə çatan kimi Bəhruz onun sinəsinə zərbə vurub: “Mən yerə yıxıldım. Qalxdıqdan sonra Bəhruza yumruq vurdum. Mübahisə zamanı bıçaqdan istifadə etməkdə məqsədim məndən güclü olduğu üçün Bəhruzu qorxutmaq olub. Bıçağı onu öldürmək məqsədilə üzərimdə daşımamışam. Usta olduğumdan hər zaman cibimdə bıçaq olub. Bəhruzu bıçaqla vurmamışdan əvvəl onu bıçaqla hədələmək fürsətim olmayıb. Məni ayaqlarımdan tutaraq qaldırdığı zaman ona yumruqla da xəsarət yetirmişəm. Bizi kənar şəxslər ayırdıqdan sonra Bəhruz yenidən üzərimə hücum çəkdi. Bu zaman bıçağı çıxardım, bıçaq belinə dəyən kimi qalxdı. Bıçağın bir hissəsi onun bədəninə batmışdı. Zərərçəkmişə bir neçə bıçaq zərbəsi endirmək imkanına sahib olsam da, onu öldürmək məqsədim olmadığından əməlimi davam etdirməmişəm. Bıçaqla zərbə endirdikdən sonra hər ikimiz hadisə yerindən uzaqlaşmışıq”.
Nahid Həsənovun ifadəsinə görə, hadisə yerində tanımadığı adamın “Prius” markalı avtomobilinə minib və oradan uzaqlaşıb: “Məktəbin yanında maşından düşdüm. Məhəlləmizdə tanıdığım bir şəxsə öz avtomobilimin açarını verdim və gətirilməsini istədim. Həmin şəxsdə gətirdikdən sonra avtomobilimə mindim. Sonra qardaşım ilə telefonda danışdım. Ona uşaqları evə aparmağı tapşırdım. Adətən idarə etdiyim avtomobili yaşadığım evin birinci mərtəbəsinin pəncərəsinin altında saxlayırdım. Amma hadisədən sonra evimə gedərkən Bəhruzu və üç nəfər adamı pəncərəmizin qarşısında gördüm. Bu zaman yoldaşımın təkidi ilə yenidən mübahisə olmaması üçün avtomobilimi binanın arxa tərəfində saxladım. Oradan çıxaraq Binəqədi ərazisində yaşayan dayımgilə getdim. Ailəm ilə gecəni dayımgildə qaldım. Bəhruza zərbə endirdikdən iki saat sonra dünyasını dəyişib. Hadisə baş verdikdən sonra qardaşıma məlumat vermişəm. Qardaşım da özünü Bəhruzgilə çatdırıb. Ətrafdakılar da Bəhruza görə təcili tibbi yardım çağırıblar. Qardaşım zəng edərək Bəhruzun rəhmətə getdiyini bildirdi. Dayımgildən çıxdıqdan sonra polis əməkdaşları zəng etdi və məni Abşeron Rayon Polis İdarəsinə dəvət etdilər”.
İş üzrə zərərçəkmiş B. Məmmədovun hüquqi varisi qismində ifadə verən şəxsin sözlərinə görə, qardaşının bıçaqlandığını işdən evə gəldikdən sonra bilib: “Evə gələrkən evdə həyat yoldaşım, qardaşım Bəhruz və təqsirləndirilən şəxsin qardaşı Cahid olub. Cahid Bəhruz üçün təcili tibbi yardım çağırılmasını xahiş etdi. Lakin Bəhruz razılaşmadı, Nahidin tutulmağını istəmədi. Qardaşımın halının pisləşdiyini gördükdən sonra Cahidin təkidi ilə təcili tibbi yardım çağırdıq. Lakin Bəhruzun həyatını xilas etmək mümkün olmadı. Təqsirləndirilən şəxslə barışıq əldə etmişik”.
Bu cinayət işinə Bakı Ağır Cinayətlər Məhkəməsində baxılıb. Məhkəmənin hökmü ilə N. Həsənov 9 il müddətinə azadlıqdan məhrum edilib. Onun cəzasını ciddi rejimli cəzaçəkmə müəssisəsində çəkməsi qərara alınıb.
Fariz Məlikli
Demokrat.az
10Mənbələr
-
milli.azBakıda siqaret qohumları düşmən etdi: qaynını öldürdü, oğlunu döydü ( 20246853)
-
demokrat.azHəbsdən çıxan 23 yaşlı oğlan restoranda yeyib içdi, supermarketdə dava saldı ( 20245797)
-
demokrat.azHəbsdən çıxan 23 yaşlı oğlan restoranda yeyib-içdi, supermarketdə dava saldı ( 20245785)
-
demokrat.azAbşeronda 42 yaşlı kişi pul üstündə qonşusunu bıçaqladı ( 20244594)
-
lent.azBakıda siqaret qohumları DÜŞMƏN ETDİ: qaynını öldürdü, oğlunu döydü ( 20244399)
-
demokrat.azAbşeronda 42 yaşlı kişi pul üstündə qonşusunu bıçaqladı ( 20243655)
-
demokrat.azBakıda 40 yaşlı kişi sevgilisini küçədə döydü ( 20230404)
-
demokrat.azBakıda 40 yaşlı kişi sevgilisini küçədə döydü ( 20219301)
-
demokrat.azBakıda 35 yaşlı kişi arvadına xəsarət yetirdi ( 20216541)
-
demokrat.azBakıda arvadına qısqanclıq zəminində şiddət göstərən 38 yaşlı kişi həbs edildi ( 20156502)
