Rusiya Prezidenti Vladimir Putinlə ABŞ Prezidenti Donald Tramp arasında görüş avqustun 11-də İtaliyanın paytaxtı Romada baş tuta bilər.
“Qafqazinfo” xəbər verir ki, bu barədə “Fox News” məlumat yayıb.
Xatırladaq ki, Rusiya prezidentinin köməkçisi Yuriy Uşakov Rusiya və ABŞ prezidentləri Vladimir Putinlə Donald Tramp arasında yaxın günlərdə görüş keçirilməsi barədə razılıq əldə olunduğunu bildirmişdi.
Bundan əvvəl “The New York Times” öz mənbələrinə istinadən D.Trampın rusiyalı həmkarı ilə gələn həftə görüşmək istədiyi barədə məlumat yaymışdı.
