Çində son iki gündür davam edən güclü yağışlar nəticəsində yaranan sel və torpaq sürüşmələri nəticəsində 10 nəfər ölüb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, hadisə nəticəsində 33 nəfər itkin düşüb.
Çin Sədri Şi Cinpin, bölgədə genişmiqyaslı axtarış-xilasetmə və selə qarşı mübarizə tədbirlərinin həyata keçirilməsi barədə göstəriş verib.
Bundan əlavə, şiddətli yağışlar bəzi ərazilərdə elektrik enerjisi və telekommunikasiya xidmətlərinin dayanmasına səbəb olub.
Axtarış-xilasetmə əməliyyatları davam edir, hava şəraitinin isə qarşıdakı günlərdə də çətinlik yarada biləcəyi bildirilir.
