Növbəti mövsüm Premyer Liqada çıxış edəcək “İmişli” klubu hazırlıqlarını davam etdirir.
İdmanxeber.az-a verilən məlumata görə, bölgə təmsilçisi məşqlərini Bakı Olimpiya Stadionunda davam etdirmək istəyir. Artıq bununla bağlı danışıqlar start götürüb.
Rəhbərlik futbolçuların ciddi etirazından sonra komandanın məşqləri üçün təbii örtüklü meydança axtarışına başlayıb.
Əyalət klubu avqustun 8-dən sonra BOS-a üz tutmaq niyyətindədir.
Xatırladaq ki, “İmişli” mövsümə Mərdəkanda “Dalğa Arena”da start verib. Daha sonra komanda hazırlıqlarını Qəbələdə davam etdirib. Son günlərdə isə bölgə təmsilçisi məşqlərini Sumqayıtda keçirir.
