“İmişli” “Şamaxı” ilə avqustun 9-da keçirilməsi planlaşdırılan yoldaşlıq oyununun ləğv edilməsinin səbəbini açıqlayıb.
QOL.az xəbər verir ki, klubun yaydığı bəyanatda qeyd olunub ki, “İmişli” oyunun Bakıda təbii ot örtüyünə malik meydanda keçirilməsini təklif edib, lakin “Şamaxı” bundan imtina edib. Nəticədə qarşılaşma ləğv olunub.
Qeyd edək ki, bundan əvvəl “Şamaxı” klubu oyunun “İmişli”nin Şamaxıya gəlməkdən imtina etməsi səbəbindən baş tutmadığını açıqlamışdı.
