"Çəkini azaltmaq nə qədər asan olsa da, qorumaq bir o qədər çətindir".
Ölkə.Az xəbər verir ki, bu sözləri qida mütəxəssisi, nutrisionist Fərid Səfərov qeyd edib. O, 10 il ərzindəki dəyişiminin fotosunu paylaşaraq insanlara sağlam qidalanmaqla bağlı tövsiyə verib:
“10 il fərq ilə mən! Bu fotonu bir neçə dəfə paylaşmışam və çox müsbət rəylər eşitmişəm.
Təkrar- təkrar paylaşmaqda məqsədim sizlərə az da olsa motivasiya vermək və hər kəsə sağlamlıq yolunda maksimum dəstək olmaqdır.
Çəkini azaltmaq nə qədər asan olsa da, çəkini qorumaq bir o qədər çətindir.
Mən öz sağlam çəkimi qorumaq üçün nə edirəm?
- balanslı şəkildə qidalanıram (yağ, zülal və karbohidrat).
- fiziki aktivliyimi maksimum qorumağa çalışıram.
- yuxu rejiminə riayət edirəm.
- stressdən uzaq olmağa cəhd göstərirəm.
- fəsildən asılı olmayaraq su qəbulunu azaltmıram.
- süni şəkərdən uzağam.
- spirtli içki və pis vərdişlərdən tamamilə uzağam.
- şirin qazlı və enerji içkiləri içmirəm.
- əla növ undan hazırlanan çörək və un məmulatları qəbul etmirəm.
- paketlənmiş qidalar və hisə verilmiş məhsullardan uzağam.
- fast food və küçə yeməkləri qida rasionumda yoxdur.
- konservləşdirilmiş heç bir qidanı istifadə etmirəm.
Xülasə, itirdiyim çəkini 10 ildən çoxdur ki, qoruyuram. Sadəcə özünə və gücünə inan, vəssalam. Sağlam qidalanaraq sağlam yaşayın”, - deyə o qeyd edib.
Billurə Yunus
