Oxu.az portalından verilən məlumata görə, ain.az xəbər yayır.
Ötən gün UEFA Çempionlar Liqasının III təsnifat mərhələsinin ilk oyununda səfərdə "Şkendiya"nı məğlub edən "Qarabağ" Azərbaycanın UEFA əmsallar cədvəlindəki mövqeyini möhkəmlədib.
Oxu.Az UEFA-nın rəsmi saytına istinadən xəbər verir ki, hazırda aktivində 19.000 xal olan ölkəmiz 28-ci sırada qərarlaşıb.
Beləliklə, təsnifat mərhələsinin ilk oyununda qələbə qazanan "Qarabağ" Azərbaycanın aktivinə 0.250 xal yazdırıb.
Bu il aktivini 1.875 xal artıran ölkəmiz hazırda 27-ci yerdə olan Ukraynadan 0.225 xal geri qalır, məlum səbəblərə görə UEFA bayrağı altında keçirilən yarışlardan kənarlaşdırılan Rusiya 18.299 xalla 29-cu pillədədir.
UEFA əmsallar cədvəlinə 90.839 xalla İngiltərə başçılıq edir.
Qeyd edək ki, təmsilçilərimizdən "Araz-Naxçıvan" UEFA Konfrans Liqasının III təsnifat mərhələsinin ilk oyununda Yunanıstanın "Omoniya" klubu ilə avqust ayının 7-də, "Sabah" klubu isə Bolqarıstanın "Levski Sofiya" klubu ilə səfərdə qarşılaşacaq.
Xatırladaq ki, UEFA Çempionlar Liqasının III təsnifat mərhələsində mübarizə aparan "Qarabağ" "Şkendiya" ilə cavab matçına avqust ayının 12-də Tofiq Bəhramov adına Respublika stadionunda çıxacaq.
Sonrakı hadisələr barədə daha çox məlumat almaq üçün ain.az saytını izləyin.
