Konfrans Liqasında III mərhələyə yüksələn “Araz-Naxçıvan”ın növbəti rəqibi Kipr təmsilçisidir.
Naxçıvanlılar pley-offa vəsiqə qazanmaq yolunda “Omoniya” ilə münasibətlərinə aydınlıq gətirəcək.
Rəqib komanda Bakıda dəstəksiz qalmayacaq.
Belə ki, Nikosiyadan Bakıya 20-yə yaxın azarkeş gələcək.
Kipr klubu qonaq fanatlara məhz bu sayda yerin ayrılması ilə bağlı “Araz-Naxçıvan”a müraciət edib.
Oyunu işıqlandırmaq üçün 4-5 jurnalistin Bakıya səfəri də nəzərdə tutulub.
Avqustun 7-də komandalar arasında “Liv bona Dea Arena”da keçiriləcək görüş saat 20:00-da start götürəcək.
HƏBİB / SPORTİNFO.AZ
