Gədəbəydə ölümlə nəticələn ağır yol qəzası baş verib.
APA-nın yerli bürosunun xəbərinə görə, hadisə rayonun Şahdağ kəndində qeydə alınıb.
Hərəkətdə olan "Kia" markalı minik avtomobili idarəetmədən çııxıb. Nəticədə avtomobil dərəyə aşıb.
Qəza nəticəsində rayonun Çiçəkli kənd sakinləri 1991-ci il təvəllüdlü Azadə Məmmədova və 1973-cü il təvəllüldü Asəf Tapdıqov həyatını itirib. Sürücü 1990-cı il təvəllüdlü Vüsal Məmmədov, 2021-ci Renat Məmmədov və 2020-ci il təvəllüdlü Amil Məmmədov isə xəsarət alıblar.
Hadisə yerinə polis əməkdaşları cəlb edilib.
