Birləşmiş Millətlər Təşkilatının baş katibi Antonio Quterreş təşkilatın hesabatlarına olan marağın azlığından gileylənib.
Bunu təşkilatın baş katibi Antonio Quterreş bildirib.
BMT-nin hesabatları əvvəlki illərlə müqayisədə daha uzun olur, lakin buna baxmayaraq, onların çox az hissəsi oxunur:
“Hesabatlarda sözlərin sayı son 20 ildə təxminən 40 faiz artıb. Amma bu sənədlərin əksəriyyəti nadir hallarda oxunur”.
Baş katibin sözlərinə görə, BMT hesabatlarının yalnız 5 faizi beş mindən çox dəfə yüklənir.
“Yüklənməsi isə hələ oxunması demək deyil”, – deyə o əlavə edib.
Quterreş bu məsələni təşkilatın effektiv kommunikasiya yollarına ehtiyacının olduğunu vurğulamaq üçün dilə gətirib.
