News24 portalından verilən məlumata əsasən, ain.az bildirir.
Yay aylarında milçəklər mətbəxdə, eyvanda və açıq havada keçirilən yemək süfrələrində tez-tez qonaq olurlar. Tez-tez yeməyin üzərinə qonurlar və bu, insanlarda ikrah doğurur. Amma bir çox insan yenə də belə yeməkləri yeyir.
Lent.az-ın xarici mediaya istinadla xəbərinə görə, alimlər isə xəbərdarlıq edirlər: yeməklə milçəyin qısa təması belə sağlamlıq üçün təhlükə yarada bilər.
Milçəklər təhlükəli mikroorqanizmləri daşıyır
Kentukki Universitetinin şəhər entomologiyası kafedrasının dosenti Zakari DeVrisin izahına görə, milçəklər və tarakanlar ən çox patogen (xəstəlik törədən) daşıyan həşəratlardandır. Onlar tez-tez nəcis, zibil və çürümüş tullantılarla təmasda olurlar və oradan bakteriya, virus və parazitləri “götürə” bilirlər. Bu mikroorqanizmlər milçəyin bədənində – xüsusilə də ayaqlarında və qarın hissəsində qalır və yeməyə toxunduqda ora keçir.
Yalnız toxunmaqla qalmırlar – qusur və ifraz edirlər
Milçəklər təkcə yeməyin üzərində gəzmirlər – bəzən yeməyin üzərinə həzm fermentlərini qusurlar, hətta nəcis ifraz edirlər. Bu isə yoluxma riskini daha da artırır. Belə qidalanma mexanizmi əlavə təhlükə yaradır, xüsusilə də milçək uzun müddət yeməyin üzərində qalıbsa.
Risk nədən asılıdır?
Yoluxma riski bir neçə faktordan asılıdır:
Milçək yeməyə qonmazdan əvvəl harada olub?
Yeməyin üzərində nə qədər qalıb?
Yemək nə qədər müddət açıq havada qalıb?
Hərarət hansı səviyyədə olub?
Mikroorqanizmlərin çoxalması üçün nə qədər çox vaxt varsa, qida zəhərlənməsi riski də bir o qədər artır.
Sağlam insan üçün təhlükə azdır, amma...
Əgər milçək yeməyə yalnız bir neçə saniyəlik qondusa, sağlam insan üçün bu adətən təhlükəli sayılmır. Ancaq milçək yeməyin üzərində uzun müddət qalıbsa və xüsusilə də yemək isti temperaturda saxlanılıbsa, o yeməyi yemək məsləhət görülmür. Bu, xüsusilə immun sistemi zəif olan insanlar üçün vacibdir.
Alimlərdən tövsiyələr
Yemək hazırlayarkən və açıq havada yeyərkən qidaları örtülü saxlayın
Süfrədə qalıq yeməkləri açıq qoymayın
Zibili vaxtında atın və tullantı qablarını təmiz saxlayın
Pəncərələrdə qoruyucu torlardan istifadə edin
Mətbəx və ətraf mühitin gigiyenasına diqqət yetirin
Ən son xəbərləri və yenilikləri almaq üçün ain.az saytını izləyin.
