BAKI, 2 avqust. TELEQRAF
Rusiyanın Kamçatka yarımadasında yerləşən Klyuçevskaya Sopka vulkanı təxminən 9 kilometr yüksəkliyə kül püskürüb.
Teleqraf xəbər verir ki, bu barədə Rusiya Elmlər Akademiyasının Vahid Geofizika Xidməti məlumat yayıb.
Bildirilir ki, vulkandan çıxan kül dəniz səviyyəsindən 9 min metr hündürlüyə qalxıb.
Qeyd edək ki, iyulun 30-da Kamçatkada 8,7 bal gücündə zəlzələ baş vermişdi.
Bu zəlzələnin ertəsi günü, iyulun 31-də isə vulkanın kül püskürməsi qeydə alınıb.
