Müğənni Dilarə Kazımova bu gün "Parla" adlı klipini təqdim etməyə hazırlaşırdı. SİA xəbər verir ki, sənətçi, təqdimatı təxirə saldığını açıqlayıb. O, buna səbəb kimi Xalq artisti Arif Babayevin qəfil vəfatını göstərib: "Əziz izləyiclərim! Bildiyiniz kimi, bu gün Azərbaycan mədəniyyətinə ağır itki üz verib. Xalq artisti, görkəmli xanəndə, muğam sənətimizin canlı əfsanəsi, professor Arif Babayevin vəfatı xəbəri bizi dərin kədərə boğdu. Ailəsinə, doğmalarına, yaxınlarına dərin hüzünlə başsağlığı verirəm. Bu səbəbdən bu gün təqdim edəcəyimiz "Parla” adlı yeni klipimin yayımını təxitə salmaq qərarına gəldim. Klip avqustun 4-də işıq üzü görəcək".
