İsrail əsilli macar iş adamı Ari Yom-Tov atçılıq üzrə üçqat Olimpiya çempionu Anki van Qrunsvendən “Anky Holdinq”ə yatırdığı 850 min avronu qaytarmağı tələb edib. SİA xəbər verir ki, o, qızının niderlandlının rəhbərliyi altında irəliləyişindən narazıdır.
Bu barədə “Ad.nl” yazıb. Onun qızı Anki ilə 5 il məşq edib. Macarıstanlı biznesmen Niderland yığmasının baş məşqçisi, 75 yaşlı Şeff Yanssenin rəhbərliyi altında keçirilən məşğələlərin keyfiyyətsiz olduğunu iddia etməklə yanaşı, Yanssenin qızına cinsi zorakılıq göstərdiyini də iddia etdi.
Məhkəmə bu iddiaların heç birinə tutarlı sübut tapmayıb. Seksual qısnama ittihamı artıq Macarıstan məhkəməsi tərəfindən rədd edilib. İclasda Van Qrunsven və Janssenin vəkili ittihamın yalnız təzyiq göstərmək üçün irəli sürüldüyünü iddia ediblər.
Təlimin qeyri-adekvat olması ilə bağlı iddialar “heç bir halda faktlarla dəstəklənmir” deyə məhkəmə izah edib. Əksinə, tərəflər arasında uzun illər ərzində aparılan yazışmalar Yom-Tovun prosesdən məmnunluqdan başqa bir şey ifadə etmədiyini sübut edir. İş adamının qızı Jasmin Yom-Tov Beynəlxalq Atçılıq Federasiyasının saytında yazıb: “16 yaşında Niderlanda köçmək asan deyildi. Amma idman baxımından buna mütləq dəyərdi”.
57 yaşlı Anki Niderlandı 1988-ci ildən başlayaraq ardıcıl yeddi Olimpiadada təmsil edib. Yalnız ilk Olimpiadasında o, medal qazana bilməyib və beşinci yeri tutub.
