Rusiya Ermənistanda Gümrüdəki Cənub Hərbi Dairəsinə daxil olan "102-ci" hərbi bazasını silah sursat və canlı qüvvə ilə komplektləşdirir. Ukraynada cəbhədə müəyyən nisbi üstünlüklər əldə etməklə, regionda da öz hərbi mövcudluğunu artırır. Məhz Gümrüdəki hərbi bazasını gücləndirməkdə məqsədi Cənubi Qafqazda geosiyasi mövqeyini gücləndirmək və region ölkələrini altında saxlamaqdır.
Rusiya Gümrüdəki hərbi mövcudluğunu artırmaqla aşağıdakı strateji məqsədi var.
Birinci, Azərbaycan və Ermənistana təzyiqlər etməklə, Qərbin regionda strateji siyasətinin qarşısını almaq.
İkinci, Ermənistanda siyasi hakimiyyəti dəyişmək. Əgər, mümkün olmasa, N. Paşinyana təzyiqlər etməklə sülh prosesini pozmaq.
Üçüncü, Zəngəzura ordu yeridib, Azərbaycanla Ermənistan arasında növbəti dəfə hərbi təxribatlara rəvac vermək. Bununla da vasitəçi kimi araya girib, öz dominantlığını təmin etməkdir.
