Türkiyəli aktrisa Hande Ataizi 7 il əvvəl boşandığı amerikalı jurnalist Benjamin Harviyə qarşı alimentin artırılması tələbi ilə məhkəməyə müraciət edib.
Publika.az xəbər verir ki, cütlüyün 2012-ci ildə doğulan oğlu Leon üçün 2018-ci ildə məhkəmə Harviyə aylıq 1500 dollar aliment təyin edib.
Ataizi bu məbləğin uşağın ehtiyaclarını ödəmədiyini bildirib və aylıq 300 min lirə tələb edib.
Vəsatətdə qeyd olunub ki, uşağın məktəb xərcləri, yaşayış səviyyəsi və ətraf mühitə uyğun tələbatı artıb. Məhkəmə qərarını tərəflərin maddi durumunu və uşağın ehtiyaclarını araşdırdıqdan sonra verəcək.
