Kamboca Tailandla münaqişənin nizamlanmasında göstərdiyi köməyə görə ABŞ Prezidenti Donald Trampı Nobel Sülh Mükafatına namizəd irəli sürməyə hazırlaşır.
Oxu.Az-ın xəbərinə görə, bu barədə "Wall Street Journal"a müsahibəsində Kambocanın baş nazirinin müavini Sun Çantol məlumat verib.
"O, təkcə Kambocadakı deyil, digər regionlardakı işinə görə də Nobel mükafatı almalıdır", - deyə o bildirib.
Çantol vurğulayıb ki, Trampın iştirakı olmasaydı, ölkələr çətin ki, münaqişəyə son qoyulması ilə bağlı razılığa gələ bilərdilər.
Xatırladaq ki, iyulun 24-nə keçən gecə mübahisəli ərazidə iki ölkənin quru qoşunları arasında atışma başlayıb. Tailand hakimiyyəti Kambocanı münaqişəni qızışdırmaqda ittiham edib və daha sonra ölkənin Hərbi Hava Qüvvələri onun ərazisindəki hədəflərə zərbələr endirib.
