Yaxın Şərqdə münaqişənin kəskinləşməsi fonunda, 2025-ci ilin ikinci rübünün nəticələrinə əsasən, İran və İsrail dünyanın ən çox kiberhücuma məruz qalan ölkələrinin ilk beşliyinə daxil olublar. İsrail qlobal reytinqdə dördüncü (bütün hücumların 8,4 faizi), İran isə beşinci yeri (8,1 faiz) tutub.
Publika.az xəbər verir ki, bu barədə "StormWall"un mətbuat xidməti məlumat verib.
Araşdırmaya görə, 2025-ci ilin ikinci rübündə dünya üzrə DDoS hücumlarının sayı ötən ilin eyni dövrü ilə müqayisədə 108% artıb. Antireytinqin liderləri ənənəvi olaraq ümumi kiberhücumların 12,6%-ni təşkil edən ABŞ, Çin (10,4%) və Hindistan (9,2%) olub. Ekspertlər bunun səbəbini inkişaf etmiş iqtisadiyyatları, Hindistan və Pakistan arasındakı qarşıdurma kimi geosiyasi münaqişələrdə iştirakı ilə əlaqələndirirlər.
İlk 10-luğa Avropa ölkələri də daxildir. Almaniya altıncı yerdə (7,6%) və Böyük Britaniya yeddinci yerdədir (7,3%).
Ənənəvi olaraq ən çox kiberhücuma məruz qalan ölkələrdən biri olan Rusiya 6,4% göstərici ilə səkkizinci yerdədir.
