Ajans.az bbc.com-a istinadən xəbər verir ki, Baş nazir Mark Carney bildirib ki, Kanada sentyabr ayında Fələstin dövlətini tanımağı planlaşdırır. Bununla da Kanada, son günlərdə belə bir bəyanat verən üçüncü G7 ölkəsi olacaq. Carney qeyd edib ki, bu addım Fələstin rəhbərliyinin demokratik islahatlar həyata keçirməsi, o cümlədən gələn il HƏMAS-sız seçkilər keçirməsi şərtilə atılacaq. Onun bu açıqlaması, Birləşmiş Krallığın İsrail atəşkəs və digər şərtləri qəbul etmədiyi təqdirdə sentyabrda Fələstini tanıyacağını elan etməsindən bir gün sonraya təsadüf edir. Fransanın isə bir həftə əvvəl oxşar bir planı açıqladığı qeyd olunur. İsrailin Xarici İşlər Nazirliyi Kanadanın bu açıqlamasını rədd edib və bunu “HƏMAS-a mükafat” adlandırıb. BMT-yə üzv 193 ölkədən 147-si Fələstin dövlətini rəsmi şəkildə tanıyır.
