ABŞ prezidenti Donald Tramp Cənubi Koreya ilə ticarət sazişinin bağlandığını açıqlayıb...
Poliqon xəbər verir ki, bu barədə o, özünün “Truth Social” sosial şəbəkəsində müqavilə ilə bağlı yazı dərc edib.
Müqavilə bağlandıqdan sonra Cənubi Koreyadan gələn mallara ABŞ-da 15% rüsum tətbiq olunacaq. İyulun 7-də elan edilən rüsumların 25%-dən 15%-ə endirilməsi müqabilində Cənubi Koreya ABŞ iqtisadiyyatına 350 milyard dollar sərmayə qoyacaq və ABŞ-dan 100 milyard dollar dəyərində enerji məhsulları alacaq.
Yaxın iki həftə ərzində Tramp Seula gələcək və orada Cənubi Koreya prezidenti Li Jae-Myunqla görüşəcək. Həmin vaxt tərəflər sövdələşmənin yekun müddəalarını razılaşdıracaqlar.
Hələ aprel ayında Cənubi Koreya prezidenti vəzifəsini icra edən Han Deok Su Cənubi Koreyanın ABŞ-a olan borcuna görə Trampın tariflərinə müqavimət göstərə bilməyəcəyini bildirmişdi. Onun sözlərinə görə, Cənubi Koreyanın sənaye gücü, maliyyə inkişafı, mədəniyyəti, iqtisadi inkişafı və sərvəti ABŞ yardımından çox asılıdır.
Poliqon.info
