Avtomobilin skuteri vurması nəticəsində dünyasını dəyişən azyaşlı qızın kimliyi məlum olub.
Bu barədə Bakı Şəhər DYPİ-nin Təbliğat və ictimai işlər üzrə rəisi polis kapitanı Toğrul Nəsirli məlumat verib.
O bildirib ki, sözügedən ərazidə hərəkət edən “Mersedes” markalı avtomobilin hərəkətdə olan skuteri vurması nəticəsində skuter sürücüsü Ülviyyə Əhmədova hadisə yerində dünyasını dəyişib.
Faktla bağlı cinayət işi açılıb.
***
Bu gün saat 19:30 radələrində Respublika Təcili və Təxirəsalınmaz Tibbi Yardım Mərkəzinə Nəsimi rayonu, D.Əliyeva və R.Behbudov küçələrinin kəsişməsində yol-nəqliyyat hadisəsinin baş verməsi ilə bağlı çağırış daxil olub.
Sfera.az xəbər verir ki, bu barədə TƏBİB-in Mətbuat Xidməti məlumat yayıb.
Qeyd olunub ki, çağırış əsasında təcili tibbi yardım briqadası ünvana yönləndirilib.
Təcili tibbi yardım briqadası tərəfindən 1 nəfərin (qadın cinsli) həkiməqədər ölüm faktı qeydə alınıb.
