Abşeron rayonu Masazır qəsəbəsi, Qaçaq Nəbi küçəsi 29 ünvanında yol çöküb.
Bizim.Media xəbər verir ki, bu barədə qafqazinfo.az-a həmin ünvanda yaşayan sakinlər məlumat verib.
Vətəndaşların sözlərinə görə, qəsəbə ərazisindəki bəzi küçələrdə də vəziyyət eynidir.
Məsələ ilə bağlı Abşeron Rayon İcra Hakimiyyətindən bildirilib ki, sözügedən ərazidən keçən kanalizasiya xəttinin yeraltı hissəsində qəza baş verib:
“Qış aylarının yağmurlu keçməsi və sonuncu qısamüddətli yağışlar torpağın yeraltı hissəsini yuyub. Son nəticədə yol örtüyündə kiçik çökmə müşahidə olunub. Bu barədə artıq aidiyyatı qurumlara məlumatlat verilib və qısa zamanda aradan qaldırılacaq”.
Bizim.Media
