Almaniya 20 Eurofighter qırıcı təyyarəsi, 3000-ə qədər Boxer zirehli maşını və 3500-ə qədər Patria piyada döyüş maşını üçün çox milyard dollarlıq bir sıra sifarişlər hazırlayır.
Herbiand.az bildirir ki, bu barədə Reuters agentliyi planlarla tanış olan iki mənbəyə istinadən məlumat verir.
Satınalmalar kansler Fridrix Merzin Avropanın ən güclü ordusunu qurmaq, ABŞ-dan asılılığı azaltmaq və Avropanın təhlükəsizliyi üçün daha böyük məsuliyyəti öz üzərinə götürmək səylərinin bir hissəsidir.
Mənbələr təkcə Eurofighter sifarişinin 4-5 milyard avroya başa gələcəyini, KNDS və Rheinmetall tərəfindən hazırlanan Boxer-ın isə 10 milyard avroya başa gələcəyini söyləyib. Patria-nın isə təxminən 7 milyard avroya başa gəldiyi qiymətləndirilir.
Mənbələrin dediyinə görə, Boxer və Patria yaxın 10 il ərzində təhvil veriləcək.
Almaniya Müdafiə Nazirliyi, həmçinin əlavə IRIS-T hava hücumundan müdafiə sistemləri və bir neçə yüz SkyRanger anti-dron platforması almaq üçün planlar hazırlayır. Bu satınalmaların maliyyə detalları isə hələ yekunlaşdırılmayıb.
Bəxtiyar CƏFƏRLİ
