Azərbaycan cüdoçusu Elcan Hacıyev (90 kq) dünya reytinqində ikinci yerə
yüksəlib. Dünya çempionatının bürünc mükafatçısı və bu yaxınlarda Universiadada
gümüş medal qazanan Hacıyev reytinqdə yalnız yaponiyalı Sanşiro Muraoya uduzur.
Hidayət Heydərov (73 kq) isə reytinqin birinci pilləsini əldən verib.
Olimpiya çempionu altıncı yerə geriləyib.
"Paris-2024"ün digər qalibi Zelim Kotsoyev (100 kq) hazırda
üçüncü mövqedə qərarlaşıb. Zelim Tçkayev (81 kq) isə ikinci yerdədir. Balabəy
Ağayev (60 kq) doqquzuncudur, Ruslan Paşayev (66 kq) isə ilk 16-lıqda yer alıb.
Uşangi Kokauri (+100 kq)
onuncu yerdədir.
Elçin
CƏFƏROV,
"Azərbaycan"
