Rusiyanın Saxalin vilayətindəki Severo-Kurilsk limanı və balıqçılıq müəssisəsi sunami dalğası nəticəsində su altında qalıb.
Axar.az xəbər verir ki, bu barədə Rusiya Fövqəladə Hallar Nazirliyi məlumat verilib. “Sunami dalğası Severo-Kurilsk liman şəhərini və yerlərdə “Alaid” balıqçılıq müəssisəsini su basıb. Əhali təxliyə edilib”, - məlumatda bildirilib.
Qeyd edək ki, Rusiya Elmlər Akademiyasının Geofizika Xidmətinin Kamçatka filialının məlumatına görə, 8,7 bal gücündə zəlzələnin episentri Petropavlovsk-Kamçatsk şəhərindən 150 kilometr aralıda yerləşib.
