Teleqramın həmtəsisçisi Pavel Durov iyulun 28-də Paris məhkəməsi tərəfindən platforma vasitəsilə asanlaşdırıldığı iddia edilən cinayət fəaliyyətləri ilə bağlı davam edən istintaq çərçivəsində yenidən dindirilib.
“Qafqazinfo” xarici KİV-ə istinadən xəbər verir ki, Durov məhkəmə prosesində səssizliyini qoruyub və ittihamlarla bağlı hər hansı şərh verməyib.
Xatırladaq ki, dindirmə Durovun ötən il avqustun 4-də Parisin Le Burje hava limanında saxlanmasından sonra keçirilir. Həmin vaxt Fransa hakimiyyəti onu mütəşəkkil cinayətkar fəaliyyət çərçivəsində “qeyri-qanuni əməliyyatlara imkan verməkdə”, “şübhəli bilinən rəqəmsal platformanın idarə edilməsində şəriklik” də daxil olmaqla, bir sıra iddialarla əlaqədar müvəqqəti nəzarətə götürüb.
Fransız müstəntiqlər, teleqramın şifrəli mesajlaşma xüsusiyyətlərinin cinayət şəbəkələri tərəfindən narkotik alveri, kibercinayətkarlıq və maliyyə fırıldaqçılığı da daxil olmaqla, qanunsuz fəaliyyətlər həyata keçirmək üçün istifadə oluna biləcəyi ilə bağlı narahatlıqlarını ifadə ediblər.
