...Meta Platforms Inc. (Facebook və Instagram-ın sahibi) 2025-ci ilin oktyabr ayından etibarən Avropa İttifaqında siyasi və sosial reklamların satışını dayandıracağını açıqladı. Səbəb şirkətin "qəbuledilməz mürəkkəblik və hüquqi qeyri-müəyyənlik" yaratdığına inanan yeni Avropa qaydalarıdır.
SİA-nın məlumatına görə, bu barədə Bloomberg yazır.
Meta bu barədə öz rəsmi bloqunda məlumat verib və uzun müddətdir qanunvericilərlə məsləhətləşmələr apardığını qeyd edib.
Bununla belə, payızda qüvvəyə minən siyasi mesajların hədəflənməsi üçün şəxsi məlumatlardan istifadəyə dair yeni şəffaflıq tələbləri və məhdudiyyətlər bu seqmentdə işi davam etdirməyi qeyri-mümkün edir.
...Bu qaydalar bazarı populyar məhsul və xidmətlərdən səmərəli şəkildə məhrum edir, seçimi və rəqabəti azaldır.
Bu, şirkətin bəyanatında deyilir.
Bundan əvvəl Google tənzimləyici təzyiqlər fonunda Aİ-də siyasi reklamdan imtina edən oxşar qərarını açıqlamışdı. Qərar Meta və Avropa hakimiyyət orqanları arasında daha geniş münaqişələrin bir hissəsidir.
Aİ artıq ötən il ərzində şirkətə 1 milyard avroya yaxın cərimələr tətbiq edib, süni intellekt xüsusiyyətlərinin işə salınmasına mane olub və sosial şəbəkələrin reklamsız ödənişli versiyalarını işə salmaq planlarını şübhə altına alıb. İyulun əvvəlində Meta həmçinin Aİ-nin süni intellekk təcrübə kodeksini imzalamaqdan imtina etdi.
Bununla belə, Meta CFO-su Susan Lee-nin fikrincə, siyasi reklam əhəmiyyətli gəlir mənbəyi deyil: “Qlobal səviyyədə bu seqment gəlir artımına faktiki olaraq heç bir təsir göstərmir”. Meta bu cür reklamları ABŞ və digər ölkələrdə satmağa davam edir.
Nazlı Almuradova
