ABŞ və Avropa İttifaqı ticarət razılaşması imzalayıblar. Bu barədə ABŞ prezidenti Donald Tramp Avropa Komissiyasının sədri Ursula fon der Lyaen ilə Şotlandiyada görüşündən sonra jurnalistlərə bildirib.“Biz razılığa gəldik. Bu, hər kəs üçün faydalı bir razılaşmadır”, — deyə amerikalı prezident vurğulayıb. Onun sözlərinə görə, bu, “növü özəl tərəfdaşlıqdır”.Tramp qeyd edib ki, ABŞ-a Avropa məhsullarının idxalına tətbiq edilən rüsumlar ən azı 15% səviyyəsində qalacaq — Vaşinqton bu rəqəmi aşağı sala bilməz. Bundan əlavə, Aİ ABŞ-dan 750 milyard dollar dəyərində enerji daşıyıcıları alacaq və ABŞ iqtisadiyyatına “artıq yatırdığı məbləğdən 600 milyard dollar çox” sərmayə qoyacaq. Həmçinin, Aİ ölkələri ABŞ ilə ticarətdə sıfır tariflərə razılıq verib və “çoxlu” hərbi texnika alacaq.Ursula fon der Lyaen razılaşmanın hər iki tərəf üçün faydalı olduğunu qeyd edib. Bloomberg-in məlumatına görə, razılaşma Trampın əvvəlcə Avropa İttifaqına qarşı tətbiq edəcəyi 50%-lik rüsumların qüvvəyə minməsinə bir həftədən az vaxt qalmış əldə olunub.Ulusum.az
Diqqət Çəkənlər
Rubio 2028-ci il üçün “ prezident namizədi”ni açıqladı
Bakıdakı möhtəşəm konsertə görə hərəkət məhdudlaşdırıldı
Qütb sirləri açılır: Əriyən buzların altından nəhəng balina qəbiristanlığı çıxdı
