Futbol üzrə Azərbaycan millisinin hücumçusu Mahir Emreli yeni komandası “Kayzerslautern”in heyətində növbəti matçına çıxıb.
Arena.az xəbər verir ki, 27 yaşlı futbolçu bu gün İtaliyanın “Roma” komandasına qarşı keçirdikləri yoxlama oyununun iştirakçısı olub.
Mahir Emreli əsas heyətdə yer alıb. O, ilk 45 dəqiqədə meydanda olub. Mahirin komandası yekunda 0:1 hesabıyla məğlub olub.
Qeyd edək ki, bu, “Kayzerslautern”in 2025/2026-cı illər mövsümünə hazırlıq çərçivəsində dördüncü yoxlama oyunu olub. Mahir əvvəlki yoxlama oyunlarında 3 qola imza atmışdı.
Mahir “Kayzerslautern”lə bu yay 3 illik müqavilə bağlayıb. O, yeni komandasında 10 nömrəli formanı geyinir.
