“ABŞ Prezidenti Donald Tramp Ukraynada müharibəni bitirməyin yollarını avropalı liderlərlə müzakirə edəcək”.
“The Guardian“ qəzetində dərc olunmuş yazıda belə deyilir.
Məqalə müəllifi bildirib ki, Ağ Ev rəhbərinin Şotlandiyaya səfəri zamanı Böyük Britaniyanın baş naziri Kir Starmer və Avropa Komissiyasının prezidenti Ursula fon der Lyayen ilə keçirərəcəyi görüşlərin əsas mövzusu Ukraynada müharibənin dayandırılması olacaq. 
Eyni zamanda, Avrokomissiyanın rəhbəri ABŞ Prezidenti ilə görüşün 27 iyul tarixində nəzərdə tutulduğunu açıqlayıb.
Yazı müəllifi yekunda xatırladıb ki, bir qədər əvvəl Donald Tramp Rusiyaya qarşı yeni sanksiyaları nəzərdən keçirdiyi barədə açıqlama verib.
