Futzal komandamız Avropa çempionu oldu

Xorvatiyanın Zaqreb şəhərində keçirilən futzal üzrə universitetlərarası Avropa çempionatına yekun vurulub.

Bizim.Media xəbər verir ki, Azərbaycan Bədən Tərbiyəsi və İdman Akademiyası komandası İspaniyanın Valensiya Universiteti ilə qarşılaşıb.

Matç təmsilçisimizin 7:2 hesablı qalibiyyəti ilə başa çatıb.

Azərbaycan Bədən Tərbiyəsi və İdman Akademiyasının futzalçıları universitetlərarası qitə çempionu olub.

Rəşad Rafiqoğlu, Bizim.Media