Daimi və ya təkrarlanan sulu gözlər yalnız toz, külək və ya allergiya kimi xarici faktorlara görə olmaya bilər. Göz yaşının artması ciddi bir göz xəstəliyini göstərə bilər. Erkən diaqnoz və düzgün müdaxilə ilə bu cür problemləri asanlıqla idarə etmək olar.
Medicina.az xəbər verir ki, gözlər ətraf mühit şəraitinə çox həssasdır. Külək, toz, hava dəyişikliyi və ya mövsümi alerjenlər kimi amillərə görəgöz yaşarması normal sayılır.
Ancaq sulu gözlər uzun müddət davam edərsə, təkrarlanırsa və ya digər simptomlarla müşayiət olunursa, bu, yalnız xarici amillərlə deyil, birbaşa göz sağlamlığı ilə əlaqəli bir problemi göstərə bilər.
Daimi sulu gözlər iki əsas səbəbə görə baş verir: Həddindən artıq gözyaşı və ya göz yaşlarını düzgün şəkildə boşalda bilməmək. Hər iki şəraitdə fərqli sağlamlıq problemləri ola bilər.
"Sulu" gözlərin səbəbləri:
1. ALLERGİK REAKSİYALAR
Polen, toz, heyvan tükü, bəzi qidalar və ya kosmetika kimi allergenlərə reaksiyalar gözlərdə sulanma, qızartı və qaşınma kimi özünü göstərə bilər.
Xüsusilə yaz aylarında artan bu cür əlamətlər göz allergiyası (allergik konyunktivit) diaqnozunu deməyə əsas verir.
2. GÖZ İNFEKSİYALARI
Bakterial və ya viral göz infeksiyaları göz qapaqlarının yapışması, qızartı, yanma və daimi sulanma ilə özünü göstərir.
3. Gözdə qıcıqlanma
Gözə daxil olan toz, kirpiklər, makiyaj qalıqları və ya kontakt linzalar kimi əşyalar... Bu buynuz qişada və konjonktivada qıcıqlanmaya səbəb ola bilər. Bədən bu qıcıqlanmanı aradan qaldırmaq üçün refleksiv olaraq daha çox göz yaşı buraxır.
4. KANALIN TUTULMASI
Göz yaşları buruna açılan kiçik kanallar vasitəsilə axır. Bu kanallar tıxanıbsa, gözyaşları boşalda bilməz. Bu vəziyyət xüsusilə körpələrdə və yaşlılarda yayğındır.
5. BƏZİ DƏRMANLARIN ƏLAVƏ TƏSİRLƏRİ
Bəzi dərmanlar və göz damcıları gözyaşının əmələ gəlməsinə təsir göstərər və sulanmaya səbəb ola bilər. Bəzi göz damcıları, xüsusən də qlaukoma müalicəsində istifadə edilənlər, gözün səthini qıcıqlandıraraq, həddindən artıq göz yaşı tökə bilər.
Nəzərə alınmalı ŞƏRTLƏR
Aşağıdakı simptomlarla müşayiət olunan davamlı göz yaşları hiss edirsinizsə, oftalmoloqa müraciət etməyiniz tövsiyə olunur:
Birtərəfli və uzun müddətli göz yaşarması
Gözdə sancma, yanma və ya ağrı
Qızartı və qabıqlanma
Bulanıq görmə
İşığa qarşı artan həssaslıq
Göz ətrafında şişlik və ya iltihab
Aygün
Medicina.az
