Ukrayna qüvvələri şərqdəki Pokrovsk şəhəri ətrafında şiddətli döyüşlər aparır.
Modern.az-ın məlumatına görə, bu barədə Ukrayna prezidenti Volodimir Zelenski məlumat verib.
Zelenski axşam videomüraciətində qeyd edib ki, Ukrayna Silahlı Qüvvələrinin Ali Baş Komandanı Oleksandr Sirski Pokrovsk ətrafındakı vəziyyətin hazırda əsas diqqət mərkəzində olduğunu bildirib.
Onun sözlərinə görə, son həftələrdə Rusiya qüvvələrinin müəyyən mövqelər tutduğu şimal Sumı vilayətinin sərhəd bölgələrində Ukrayna qüvvələri əməliyyatlarını davam etdirir.
Sirski Pokrovsk və digər beş sektorun təxminən 1000 kilometr uzunluğunda cəbhə xəttinin ən çətin hissələri olduğunu bildirib.
Rusiya qüvvələri aylardır avtomobil və dəmir yolu qovşağı olan Pokrovskini ələ keçirməyə çalışır. Müharibədən əvvəl 60 minə yaxın olan buradakı əhali demək olar ki, tamamilə köçürülüb.
