Tovuz şəhər stadionunda ot örtüyünün dəyişdirilməsi işlərinə start verilib.
Sportinfo.az xəbər verir ki, bu barədə "Turan Tovuz"un mətbuat xidməti məlumat yayıb.
Bildirilib ki, stadionda süni örtük söküldükdən sonra drenaj və suvarma sisteminin quraşdırılması işləri həyata keçiriləcək.
Bundan sonra torpaq hissəsinin yerləşdirilməsinə və müasir standartlara cavab verən təbii ot örtüyünün salınmasına başlanılacaq.
İşlərin oktyabr ayının sonuna kimi tamamlanması nəzərdə tutulub. Eyni zamanda Abulbəyli kəndi ərazisində, Tovuz çayının kənarında “Huner Group” tərəfindən alınmış torpaq sahəsində süni ot örtüklü meydançanın salınmasına da start verilib.
