Belarus Prezidenti Aleksandr Lukaşenko da daxil olmaqla, 273 Belarus vətəndaşının Estoniyaya girişinə müddətsiz qadağa qoyulub.
"Cebheinfo.az" APA-ya istinadən xəbər verir ki, bu barədə ERR dövlət teleradiosu Estoniya Xarici İşlər Nazirliyinə istinadən məlumat yayıb.
Estoniya hökuməti bununla bağlı qərar qəbul edib.
“Sanksiyaların tətbiqindən təxminən 5 il sonra Belarusda müsbət dəyişikliklər baş vermədi”, - Estoniya xarici işlər naziri Margus Tsaxkna bildirib.
Lukaşenkodan əlavə, sanksiya siyahısında Belarusun yüksək vəzifəli məmurları, hakimləri və təhlükəsizlik orqanlarının əməkdaşları da var.
Xatırladaq ki, rəsmi Tallin 2020-ci ildə Minskə qarşı sanksiyalar tətbiq edib.
"Cebheinfo.az"
