Bakıda keçirilən CulTech Hakatonu uğurla başa çatıb.
74 komanda arasından seçilən yalnız 16 komanda, 48 saat ərzində texnologiya və yaradıcılığın müxtəlif istiqamətində ideyalarını inkişaf etdirərək layihələrini təqdim ediblər.
İştirakçılar hakaton müddətində 5 fərqli istiqamət üzrə mentorların dəstəyi ilə innovativ və sosial əhəmiyyətli məhsullar üzərində çalışıblar. Mədəniyyət, incəsənət, texnologiya və cəmiyyətin kəsişməsində yaradılan bu layihələr jüri tərəfindən yüksək qiymətləndirilib.
Mentorlar
• Tural Salmanov - Azərbaycan Respublikasının Kosmik Agentliyi (Azərkosmos) - İnnovasiyalar üzrə mütəxəssis
• Səhər Qədimli – PAŞA Kapital Rəqəmsal Marketinq üzrə Baş Mütəxəssis
• Günay Əliyeva – Expressbank Rəqəmsal məhsullar üzrə dizayner
• Ruslan Ağakişiyev – IKTEX MMC Proqram Təminatı Mühəndisi, Texniki Rəhbər
• Elman İsmayılov – PAŞA Həyat UX/UI Dizayner
Münsif Heyəti
Final layihələri aşağıdakı nüfuzlu münsif heyəti tərəfindən qiymətləndirilib:
• Zaur Darabazadə – Cinemastercard-ın İdarə Heyətinin Sədri
• Ramil Məhərrəmov – Bolt Azərbaycan-ın Baş Əməliyyat Meneceri
• Ülvi Aslanov – Code Academy-nin İcraçı Direktoru
• Orxan Kərim – Endorphin Agentliyinin Təsisçisi
• Aynur Fərəcova – NeuroPlus Neyromarketiq və Süni İntellekt Agentliyinin Təsisçisi
Qaliblər və Hədiyyələr
Sonda isə ən yaxşı nəticə göstərmiş 3 komanda texnoloji hədiyyələrlə mükafatlandırılıb:
1-ci yer: SnapBite I Qulaqlıq
2-ci yer: CulturalClan I Ağıllı saat
3-cü yer: Team Təkəldüz I Ağıllı Dinamik
Qeyd edək ki, “CulTech” layihəsi Azərbaycan Respublikası Mədəniyyət Nazirliyinin, Mədəni və Yaradıcı Sənayelərin İnkişaf Mərkəzinin dəstəyi və SUP VC şirkətinin təşkilatçılığı ilə gerçəkləşdirilir.
Layihə gənclərin yaradıcılığını, komandada işləmə bacarığını və texnoloji potensialını ortaya çıxararaq, gələcəyin dəyişiklik yaradan fərdlərini formalaşdırmağı hədəfləyir.
