Azərbaycanlı rejissor Hilal Baydarovun filmi Venesiya Film Festivalında nümayiş olunacaq.
Bu barədə APA-ya rejissor özü məlumat verib.
O bildirib ki, "Xütbə" trilogiyasının son filmi — "Boşluğa Xütbə" dünya premyerasını Venesiya Film Festivalında edəcək.
Film Azərbaycan–Meksika–Türkiyə ortaq istehsalıdır və dünyanın sonu yaxınlaşarkən Şah İsmayılın dirilik suyunu axtarmaq üçün çıxdığı səyahətdən bəhs edir.
Qeyd edək ki, bu, Hilal Baydarovun Venesiyada nümayiş olunan ikinci filmidir.
