Polşa Müdafiə Nazirliyi Belarus ilə sərhəddə patrul nəzarəti üçün “Bayraktar” pilotsuz uçuş aparatlarından (PUA) istifadə edəcək.
Bakıvaxtı.az-ın məlumatına görə, bu barədə Polşa Silahlı Qüvvələrinin Əməliyyat Komandanlığının nəşrində deyilir.
"Bu pilotsuz uçuş aparatları sərhədyanı zonanın 24 saat monitorinqini aparmağa, sərhədi qanunsuz keçmək cəhdlərini aşkar etməyə və real vaxt rejimində kəşfiyyat məlumatlarını operativ ötürməklə quru qoşunlarının fəaliyyətini dəstəkləməyə imkan verir", - komandanlığın nəşrində bildirilib.
